O chionn 80 bliadhna

Published on Friday 26 June 2009 23:11

AIG an àm so de'n bhliadhna tha na cèird lìonmhor air feadh na Gàidhealtachd, ach 'sa gheamhradh gheibhear iad mar is trice an cùl-shràidean nam bailtean-móra. Chan eil iad 'nan aoidhean sona an àite 'sam bith, oir tha iad coma ciamar a chothaicheas iad an lòn cho fad 'sa gheibh iad e gun a bheag a dhìoladh air a shon.

Chan eil iad 'nam mirlich no 'nan luchd-reubainn ach tha iad gaolach air deirce shireadh agus is gann gu'n gabh iad diultadh gus am faigh iad rud-iginn. Aig cuid dhiubh tha eich is cairtean; agus, leis gu'm bheil iad a' siubhal daonnan 'nam buidheannan mra, tha iad iomadh uair gl chroiseil do thuathanaich agus do chroitearan. Leigidh iad na h-ainmhidhean m'a sgaoil air na raointean; agus, m'a dh'fhanas iad latha no dh, n iad sganairt nach beag air an ionaltradh.

An gabh dad idir deanamh s leth na muinntir so chum an toirt gu stanndadh agus grinneas? Tha a'cheist ro dhuilich fhuasgladh agus cha d'fhuair i fhathasd freagairt dhiongmhalta. Tha tuillidh de'n cuid cloinne theagamh a' dol do'n sgoil 'sa gheamhradh, ach an taobh am mach dheth so tha an cor dreach mar a bha e ceudan bliadhna air ais.