Gaelic: Boinne ann am beul na gaoithe

Published on 25/08/2012 00:00

THUG Barack Obama agus Dàibhidh Camshron rabhadh gun atharraich seasamh na dà dhùthch’ aca mu eadraiginn ann an Siria ma chleachdas riaghaltas Assad airm cheimigeach.

• Sgrios ban-fhoirfeach dealbh prìseil de Chrìost ann an eaglais faisg air Zaragoza anns an Spainnt. Bha e ann an droch càradh agus dh’fheuch i ri a chur ceart, ach mhill i buileach e.

• ThÉid a’ chiad roth-uidheam làin-mhara a tha gu bhith fo shealbh coimhearsnachd a thogail far cladach Shealtainn.

• Dhiùlt comhairlichean Obair Dheathain gabhail ri pròiseact mór leasachaidh air gàrraidhean meadhain a’ bhaile.

• Gheibh Chris Hoy saorsa Bhaile Dhùn Éideann air son nan euchdan aige sna Geamachan Olimpeach. Is e seo an t-urram as àirde as ghabhas buileachadh air.

• Thugadh binn 21 bliadhna prìosain do dh’Anders Breivik a chuir ás do 77 duine an-uiridh.

• ghabh oilthighean Alba ri barrachd oileanaich Shasannach am-bliadhna na riamh roimhe,
’s na h-àireamhan air éirigh 26 ás a’ cheud gu ruige seo. Chaidh an àireamh de dh’Albannaich a bha air an gabhail sìos 0.2 ás a’ cheud.

• Tha draghan air éirigh mu càit an togar sgoil Ghàidhlig ùr Loch Abar, agus daoine a’ gearan gu bheil an làrach air Rathad Àird Ghobhar mì-ghoireasach.