Beul na gaoithe

Published on 16/06/2012 00:00

■ Chuireadh ás do Rangers agus chaidh companaidh ùr a chruthachadh ’s a cheannach leis an fhear-ghnothaich Shasannach Teàrlach Green. Aig a’ mhionaid mu dheireadh bha tairgse ùr ann bho cho-bhanntachd de luchd leantainn Rangers agus Bhàtar Mac a’ Ghobhainn air an ceann.

■ THUIRT Riaghaltas Iapàin nach fhaigh daoine aig an robh taighean a bh’ air an sgrios leis a’ chrith-thalmhainn ’s an tsunami ann an ceàrnaidhean truaillte Fukushima airgead dìolaidh a th’ air a shònrachadh do thaighean a chaidh a mhilleadh le réididheachd. Tha na daoine sin a’ gearan nach eil e cothromach.

■ CHAIDH an Lasair Olimpeach a ghiùlan air feadh Alba. Thàinig torr dhaoine a-mach ga faicinn.

■ ON tha Riaghaltas na h-Alba a’ dèanamh ath-thagradh anns a’ chùirt an aghaidh gearraidhean foghlaim agus dùnadh sgoiltean air leth sna h-Eileanan Siar, cha bhi na sgoiltean sin a’ dùnadh air 29 Ògmhios idir a-nist.