Fit like? Jist chavin awa

Published on Friday 31 August 2007 01:53

SAY Doric tae onybody fa's nae fae Aiberdeen or Buchan and they'll think yer spikkin aboot architecture.

Bit 'em it's up there ken different. Doric's a tongue as rich as it's auld 'n' iss soon as Buff Hardie's Scotland the What? team took ti the stage a HM Theatre and latterly TV, the rest of the world (foreigners begin at Steenhive [Stonehaven]) kittled up their lugs and thocht it funny tee. Fa could resist the notion a Princess Diana orderin' a cuddly futtrit fae the toy shop in Ballater or the Queen's son being ca'ed a "weel spoken loon"?

The fact that fowk in London had niver heard a Rhynie (the centre i the Doric universe) wis coontert by the notion there wis fowk in Rhynie had niver heard a London. Iss wis a rich mine a fun and nonsense, delivered in such a simple wye thit a'body howled.

Noo Buff's loon, John and a pucklie loons 'n' quines he met at uni are gan ti dee it again wi' Desperate Fishwives, a show that's been growin' in popularity since 1996.

Bit fit's the secret? The fowk in that cauld airt hiv hid a hard row tae ploo. Bit that austerity honed a sense of humour as hard as a drystane dyke. Fit like? Nae bad. Foo's yersel?